上星期去完同工退修，我就病了．．．又中暑又感冒．．．好鬼辛苦．．．
記得上次中暑係印尼，哇辛苦到呢．．．但個邊醫生開的藥，食左一日就好返．．．但今次．．．唉．．．今日再睇，醫生話感冒仲未清，所以比多兩日假我休息．．．
所以每日工作，就係：食野－＞食藥－＞訓覺－＞再食野－＞再．．．雖然有得訓，因為真係好攰，但有時都幾悶，因為無野做．．．．快D好啦！
每年暑假過後，就有很多年青人話你知，佢地要去外國讀書．．．
八月時，一位去加拿大；過幾日，一位去英國．．．
而朋友中，有些做了幾年野，想去外國見識下讀下書．．．
有朋友，去左澳洲；下月又有朋友去韓國．．．
身邊朋友，年青人，走下一個，走下一個．．．唔知幾時到我呢？
今日午飯時間，急急去左葵芳與前會友食飯，因為她將於下月去韓國讀書．
她已不知是第幾個，話比我聽要離開香港．．．香港真係咁差？又或者，人真係要出去睇下，讓自己見識見識．．．
其實每次食呢D飯，我都好矛盾．開心，因為他們可以找到開心的生活，想過的生活．但唔開心，因為要同佢地分開，分開幾耐？個個都話去一年兩年三年四年．．．但最後，個個都唔返黎，又會失去聯絡．
與人分離，我真係仲未習慣．．．
今天又再提起事奉上的事情，我有錯嗎？前面如何，我都唔知！！
轉眼在母會事奉了半年．．．半年話長唔長；話短唔短．．．
雖說是母會，但我現在仍未適應到．．．不過就慢慢開始了解多了．．．
開始知道如何與同工相處；
開始知道如何與會友相處；
開始知道什麼可以講，什麼不可講．．．但只要是正確說話，點都要講．．．
開始知道什麼是執著，什麼是堅持．．．但只要我覺得要堅持，我仍要執著．．．
開始知道如何可以做更多牧養．．．
開始知道如何在無力之下，仍要行落去．．．
開始知道如何自娛下．．．跟同工講笑；跟自己講笑；跟神講笑．．．
無何否應，當遇到唔開心，我都會有放棄之念．但我好討厭人話我，唔堅持，不面對問題．．．因為，我是否堅持，你知嗎？我是否不面對問題，你懂嗎？如你什麼也不懂，請不要評論我，因為說話是有很大的傷害力，你又知道嗎？
在失去重大支持下；在身體越來越虛弱下，我仍要行下去，因為有神與我同在．但是．．．你仍可以在我身邊嗎？
今日幫兒部去買玩具及書籍．．．行完旺角荷花及幾間買BB野舖頭，再去尖沙咀Toys R us，然後又去書室買書．．．行足成日，腳都痛．．．
係買BB野時，見到好多準父母睇野，佢地個面好似都寫著："我地好幸福"咁，真係甜到漏．．．唔知係咪我唔係準媽媽，又或者我仲未有做媽媽的準備，我一點開心都沒有．．．
去到Toys R Us，真係好多玩具，越行越開心，因為如果我揀的都買晒，小朋友一定好開心．．．而且，原來Toys R Us玩具，唔係好貴咋．．．
去完書室，順便探下師母．傾下傾下，佢比左一些兒童崇拜資料和意見我，真係多謝晒，希望有用啦．．．
